Musik u. Text: Detleff Jones

Ich stonn zo Hus un kann nit erus, denn die Kess es
kappott. Un zo allem Üvverfluss es dat Alt och noch fott.
Ersatz för ming Frau – dat es jetz Schabau. Un wie et
wiggerjonn soll, dat weiß ich alt janz jenau: Manta oder
Kadett – dat wör jo sicher janz nett, ävver:

Ich loß mich nit jeck mache, un ich blieven do
am Ball: Ich hol mer enen Alfasud – un dann
hät sich dä Fall – un dann hät sich dä Fall …
Dä steiht so schön do drüvven im Rähn, un ich kann nit
erus. Dä Döres mäht mer ‘ne Spoiler dran, dann süht hä
jot us. Jet deefer jelaat – jet brigger jemaat, Un dann weed
hä schön poliert, denn ich han immer jesaat: Manta oder
Kadett – dat wör jo sicher janz nett, ävver:

Ich loß mich nit jeck mache, un ich blieven do
am Ball: Ich hol mer enen Alfasud – un dann hät
sich dä Fall!
Manta oder Kadett – dat wör jo sicher janz nett, ävver:
Ich loß mich nit jeck mache, un ich blieven do
am Ball: Ich hol mer enen Alfasud – un dann hät
sich dä Fall …
Rennoh oder Zitröhn, Toyota oder Rolls, wat mer och
süht he op dr Stroß – dä Alfasud, dä mäht mich stolz.

Ich hol mer enen Alfasud, un dann hät sich dä
Fall …